മഴയില് നനഞ്ഞ പത്മാരാജന് കഥകളും , പ്രണയത്തില് അമരുന്ന ഭരതന് കഥകളും , കണ്ണില് ഉറക്കത്തിന്റെ ചായം മുക്കി സ്വപ്നം വരയ്ക്കുന്ന മുത്തശ്ശി കഥകളും , അന്തം വിടാനായി മാത്രം വായിക്കുന്ന ഗ്രീക്ക് കഥകളും ... അങ്ങനെ അങ്ങനെ മേല്വിലാസം ഏറ്റെടുക്കപ്പെട്ട ഒരുപാടിനം കഥകള്ക്കിടയില് ഇവിടെ വേറൊരു കഥ പറയുകയാണ് ... അതാ അവിടെ ഉറക്കത്തിനും ഉണരലിനും ഇടയില് അസ്വസ്ഥയായി ഇരിക്കുന്ന അവരുടെ കഥ !!
കാലങ്ങളായി അവര് അന്തി ഉറങ്ങുന്നത് ഒറ്റയ്ക്കാണ് . ചുറ്റും പടരുന്ന പല തരത്തിലുള്ള ഇരുട്ടിനെ കണ്ണടച്ച് സാന്ദ്രത കൂട്ടി സ്വപ്നങ്ങള് ഇല്ലാത്ത മറ്റൊരു ലോകത്തിന്റെ തിരക്കില്ലാത്ത വെളിമ്പ്രദേശത്തേക്ക് ... അവിടെയും അവര് ഒറ്റയ്ക്ക് തന്നെ... മരങ്ങളും ചെടികളും പക്ഷികളും മൃഗങ്ങളും മനുഷ്യരും സബ്ധവും ഒന്നുംതന്നെ ഇല്ലാത്ത ഒരിടം ...
ഉറക്കം തീരും വരെ അവിടെ സമയം പോക്കാന് ഇങ്ങെനെ വെറുതെ അലഞ്ഞുതിരിയും .. ഉണരാന് കാത്തു നില്ക്കുംപോലെ വെളിച്ചം കണ്ണിലേക്കു ഒലിച്ചിറങ്ങി പരന്നു നിറയും... വെയിലിലേക്ക് വീണ്ടും ഉണര്ന്നു ... മനുഷ്യനും മൃഗങ്ങളും മരങ്ങളും ഒച്ചകളും ഉള്ള മറ്റൊരു ദേശം ...രാത്രിയുടെ സൌന്ദര്യം അനുഭവിക്കുവാനോ പകലിന്റെ തുറിച്ചു നോട്ടത്തില് നിന്നും ഒളിക്കുവാനോ അവര്ക്ക് ആവാറില്ല !!
രാത്രിയില് എങ്ങെനെ സഞ്ചരിച്ചാലും ഒടുവില് എതിപെടുന്നത് പുലരിയുടെ വലിയ കവാടത്തിലാണ് ... അപ്പുറത്തെ വെളിച്ചം കാണാന് പറ്റാത്തത്ര വലിയ മതിലുകളുള്ള കവാടം . പലവഴി തിരിച്ചും മറിച്ചും നടന്നിട്ടും എല്ലയ്പ്പോളും എത്തിപ്പെടുന്നത് ഒടുക്കം ഇവിടെ തന്നെ.. തിരിഞ്ഞോടുവാന് നോക്കിയാല് അവിടെയും കാണാം പുലരിയിലേക്ക് , വെയിലിലേക്കുള്ള വഴി ... ഒരു കീഴ്പെടുത്തല് പോലെ . നെറ്റി ച്ചുളിഞ്ഞുള്ള തലവേദന തോന്നും ചിലപ്പോള് ... തല തല്ലി കരയാന് തോന്നും മറ്റു ചില നേരങ്ങളില് .
എത്രയോ നാള്കള് കൂടി ഈ അലഞ്ഞു തിരിയല് . അറിയാന് അവര്ക്കതിനുള്ള അവകാശങ്ങളില്ല. നിഴല് പോലും വഞ്ചിക്കുന്ന പകലും രാത്രികളും ... ഇറങ്ങി പോവുന്ന ശ്വാസം തിരിച്ചു കയറി വരാതെ ഇരിക്കാന് എന്ത് ചെയ്യണമെന്നറിയാതെ ... അത് മാത്രമേ പിന്തുടരുന്നതായി തോന്നിയിട്ടുള്ളൂ .... പകലിലോ രാത്രിയിലോ അതും അവരെ ഒറ്റക്കാക്കുന്നത്??... രാത്രിയിലെങ്കില് ആരും കാണാതെ ആ വെളിമ്പ്രദേശത്ത് കിടന്നു ഉണങ്ങി വരണ്ടു പൊടിഞ്ഞു മണ്ണിലേക്ക് . ... പകലിലെങ്കില് പുഴുത്ത് നാറി മറ്റുളവര്ക്ക് വെറുപ്പിനു പുറമേ അറപ്പുകൂടി ...
ദീര്ഘമായ ഒരു ശ്വാസം അവരില് നിന്നും പുറത്തേക്ക് .. പ്രതീക്ഷകള് തകര്ത്തും കൊണ്ട് അത്രയും ശക്തിയില് മറ്റൊന്ന് അകത്തേക്ക് ....
No comments:
Post a Comment